بالله الوحده وش تسوي بعمرها ؟؟
الله يعين الحريم بس...................
....................................
إذا تزوجت البنت وهي تدرس قالوا المفروض أنها ما تتزوج الحين
تقل مطفوقه على العرس
غريبه اهلها وافقوا وش معجلهم
و إذا تزوجت بعد الجامعة قالوا : راح عمرها وهي تدرس وتكرف ولا فيه وظايف
البنت مالها الا بيت رجلها
إذا سكنت مع اهل زوجها قالوا مسكينة ضغط جسمي و نفسي ماغير تكرف لهم
و ما تقدر تاخذ راحتها في حياتها
الواجب انها شارطه بيت
مافيه وحده الحين تسكن مع اهل زوجها..............
إذا سكنت في بيت لحالها قالوا قويه توها معرسه
وفي بيت لحالها
وش فيها لو قاعده مع اهل رجلها معززه مكرمه
إذا كانت تروح لاهلها دايم قالوا اعوذ بالله مسيطرة على زوجها ومخليته مثل الخاتم بإصبعها
ماغير مهيتّه ورابضه عند اهلها
و إذا كانت ما تطلع من بيتها إلا شوي
قالوا زوجها معقد يعيي عليها تطلع
وعيشتها صعبه الله يعينها
إذا حملت بعد الزواج على طول قالوا وش معجلها على الهم والغثا والبزارين
اكيد تبي تضمن عمرها معه وتأمن مستقبلها
و إذا ما حملت بعد زواجها على طول قالوا
هـَو ؟؟ أكيد فيها بلى ماتجيب عيال والا انها
موب مبسوطه معه
اكيد بيعرس عليها
إذا جابت بنت قالوا لازم تحمل على طول
كوده يجيها ولد
و إذا جابت ولد قالوا لازم تحمل عقبه بسرعة عشان تجيب ثاني يوسع صدر اخوه ويصيرون كبر بعض
و إذا حملت مرة ثانيه عقبه قالوا :
الله يعظم اجرها ماعندها الا تجمع ذا البزارين
تقل قطوه
و إذا اكتفت ببزر او اثنين قالوا أكيد صاير شي بينها هي ورجلها
أو إن زوجها ما يصرف عليها و بيروح عمرها وهي على طفل واحد
إذا تزوجت الأرملة قالوا : وراه تتزوج
قليلة الخاتمه وشلون نست زوجها المرحوم
و خانت ذكرياته
و إذا ما تزوجت قالوا : ليه ما تتزوج
من بيحميها ومن يصرف عليها وعلى عيالها
و من يربيهم ؟؟؟؟؟؟؟؟؟؟؟؟؟؟؟
خلاص مات الله يرحمه والدنيا ماتوقف على شخص
ارجع واقول الله يعين الحريــــــــــم وبس
الثلاثاء مايو 06, 2008 3:56 pm
